Waa kuwama siyaasiyiinta xanaaqsan ee uu Farmaajo sheegay?

Madaxweyne farmaajo


Madaxweynaha Soomaaliya, Maxamed Cabdullaahi Farmaajo, ayaa isagoo ka hadlayey munaasabadda daahfurka barnaamijka dib u habaynta waxbarashada dadweynaha wuxuu hadal duurxul ah u diray mucaaradka dawladdiisa ka soo horjeeda.

“Soddonkii sano waxaa batay siyaasiyiin xanaaqsan. Siyaasiyiinta xanaaqsan dhaqankii ayey halleeyeen, waxay xalaaleeyeen beentii, iyo in aan la shaqaysan. Wax badan oo diinta islaamka ay diidayso ayey xalaaleeyeen” ayuu yiri.

Madaxweynaha wuxuu ku tilmaamay “siyaasiyiinta xanaaqsan” kuwo aan “mustaqbalka Soomaaliya dan ka lahayn oo ka hadla wax xun oo dadka qalbi jabinaya”.

Waa markii ugu horraysay ee uu madaxweyne Farmaajo weerar toos ah ku qaado mucaaradka ka horjeeda, inkastoo uusan wax magac ah sheegin.

Baraha Bulshada ayey arrintan dood xoog leh ka dhalisay. Dadka qaar waxay ku doodayaan in aan loola jeedin xisbiyada, ee loola jeedo madaxda maamul-goboleedyada.

Weriye; Siyaasiga Xanaaqsan waa kee?Madaxweyne Farmaajo; waa kan dhaha hanalasoo dhexgalo.Weriye : sow lama dhihi…

Slået op af Mohamed SalhTorsdag den 27. september 2018

Xildhibaan Axmed Macallin Fiqi oo ka mid ah siyaasiyiinta xisbiga Daljir, xubinna ka ah baarlamaanka Soomaaliya, ayaa si kulul uga jawaabay hadalkaas, qoraal uu soo dhigay bartiisa Facebook.

Xildhibaan Fiqi wuxuu ka mid ahaa siyaasiyiintii aadka ugu ololeeyey Madaxweynaha xilligii uu ku jiray doorashada madaxweynimada, horraantii sannadkii hore.

Maadada “Siyaasiga Faraxsan & kan Xanaaqsan “ oo caruurta iskuulada Xamar dhigata lagu soo kordhiyey manhajkooda! Buug…

Slået op af Ahmed Moallim FiqiFredag den 28. september 2018