Madaxweyne Farmaajo oo shaqo maalmeedkiisa u wareejiyay xafiiska uu ku leeyahay xarunta wasaaradda gaashaandhigga

farmaajo dhar ciidan7

Madaxweynaha Jamhuuriyadda Federaalka Soomaaliya Mudane Maxamed C/llaahi Farmaajo ayaa shaqo maalmeedkiisa u wareejiyay xarunta Wasaaradda Gaashaandhigga ee magaalada Muqdisho.

Mudane Farmaajo oo maanta ku sugnaa xarunta Wasaaradda Gaashaandhigga ayaa halkaasi kulamo kula leh saraakiisha Ciidanka Xoogga Dalka oo halkaasi ku soo dhaweeyey.

Ujeedada ayaa ah sidii madaxweynaha Jamhuuriyadda Soomaaliya uu u dhiiro gelin lahaa dardargelinta howlgalada military ee ka dhanka ah Alshabaab.

Madaxweynaha ayaa horey xafiis uga furtay xarunta Wasaaradda Difaaca Dalka, halkaasi oo dhowr jeer uu ku gutay shaqo maalmeedkiisa, waxaana tani ay qeyb ka tahay dadaalo lagu dhiiro gelinayo Ciidanka Xoogga Dalka, si ay u dareemaan in ay haystaan taageerada madaxda Dowladda.

NO COMMENTS